கோவில்பட்டியில்நிலத்தரகரிடம் பணம் பறித்த வாலிபர் சிக்கினார்

கோவில்பட்டி(மேற்கு):

கோவில்பட்டி காந்திநகர் ராமசாமிதாஸ் தெருவை சேர்ந்த சுப்பையா மகன் சுடலை மணி (வயது 33). நிலத்தரகர். இவர் நேற்று மோட்டார் சைக்கிளில் குருமலைக்கு சென்று கொண்டிருந்தார். இவர் மந்தித்தோப்பில் ரோட்டில் உள்ள குச்சிஆலை அருகே சென்றபோது வாலிபர் ஒருவர் மறித்து, அரிவாளை காட்டி மிரட்டி ரூ.500-ஐ பறித்து விட்டு சென்று விட்டார். இதுகுறித்த புகாரின் பேரில் கோவில்பட்டி மேற்கு போலீஸ் இன்ஸ்பெக்டர் கிங்ஸ்லி தேவானந்த், சப்- இன்ஸ்பெக்டர் ஹரிகண்ணன் மற்றும் போலீசார் வழக்குப்பதிவு செய்து, வழிப்பறியில் ஈடுபட்ட போஸ் நகர் 4- வது தெருவைச் சேர்ந்த ஆறுமுகப்பாண்டி மகன் சங்கிலிப் பாண்டி (வயது 22) என்பவரை கைது செய்து பணத்தை மீட்டனர்.