மது விற்ற வாலிபர் கைது

தட்டார்மடம்:

சாத்தான்குளம் பகுதியில் சட்டவிரோதமாக மது விற்பனை நடப்பதாக போலீசாருக்கு ரகசிய தகவல் கிடைத்தது. இதையடுத்து சாத்தான்குளம் போலீஸ் சப்-இன்ஸ்பெக்டர் விஜயகுமார் தலைமையிலான போலீசார் நேற்று தச்சமொழி டாஸ்மாக் கடை அருகில் கண்காணிப்பு பணியில் ஈடுபட்டனர். அப்போது டாஸ்மாக் கடை அருகில் மொத்தமாக மதுபாட்டில் வாங்கிச்சென்ற ஒருவரை சந்தேகத்தின் பேரில் பிடித்து விசாரித்தனர்.

விசாரணையில், சாத்தான்குளம் கிருஷ்ணன் கோவில் தெருவை சேர்ந்த சுப்பிரமணியன் மகன் கிட்டு (வயது 34) என்பதும், அவர் மதுபாட்டில்களை மொத்தமாக வாங்கி கூடுதல் விலைக்கு விற்பனை செய்து வருவதும் தெரியவந்தது. இதையடுத்து கிட்டுவை போலீசார் கைது செய்ததுடன் அவரிடம் இருந்து 22 மதுபாட்டில்களையும் பறிமுதல் செய்தனர்.