கோர்ட்டு விசாரணைக்கு ஆஜராகாமல் தலைமறைவாக இருந்தவர் கைது

நெல்லை அருகே உள்ள தாழையூத்தை சேர்ந்தவர் பரமசிவன் (வயது 45). இவர் அந்த பகுதியில் கடந்த 2016-ம் ஆண்டு ஒரு பெண்ணை அவதூறாக பேசி ஆயுதத்தால் தாக்கிய வழக்கில் தாழையூத்து போலீசாரால் கைது செய்யப்பட்டார். பின்னர் ஜாமீனில் வெளியே வந்த அவர், கோர்ட்டு விசாரணைக்கு கடந்த 4 மாதங்களாக ஆஜராகாமல் தலைமறைவாக இருந்து வந்தார். இதையடுத்து அவருக்கு கோர்ட்டில் பிடிவாரண்டு பிறப்பிக்கப்பட்டது. இந்த நிலையில் தாழையூத்து போலீசார் நேற்று பரமசிவனை கைது செய்து கோர்ட்டில் ஆஜர்படுத்தினர்.