தலைமறைவாக இருந்த வாலிபர் கைது

பெரியகுளம் தென்கரை பட்டாளம்மன் கோவில் தெருவை சேர்ந்தவர் விஜயா. கடந்த 2-ந்தேதி இவரது வீட்டின் கதவை அதே பகுதியைச் சேர்ந்த காமராஜ் (வயது 22) மற்றும் இவரது நண்பர் மாசாணம் (22) ஆகியோர் உடைத்து சேதப்படுத்தியதாக கூறப்படுகிறது. இதனை தட்டி கேட்ட விஜயாவுக்கு அவர்கள் கொலை மிரட்டல் விடுத்தனர். இந்த சம்பவம் தொடர்பாக அப்போது விசாரணைக்கு சென்ற போலீசாரை தாக்க முயன்ற வழக்கில் அதே பகுதியை சேர்ந்த தீபக்ரவீந்திரன் என்பவரை போலீசார் ஏற்கனவே கைது செய்தனர்.

மேலும் தப்பி ஓடிய காமராஜ் மற்றும் மாசாணம் ஆகிய இருவரையும் போலீசார் தேடி வந்தனர். இந்நிலையில் நேற்று மாசாணத்தை போலீசார் கைது செய்தனர். மேலும் தலைமறைவாக உள்ள காமராஜை போலீசார் வலைவீசி தேடி வருகின்றனர்.