விபத்தில் கட்டிட மேஸ்திரி சாவு

பள்ளிபாளையம்:

பள்ளிபாளையம் அருகே உள்ள வெப்படை கல்லாங்காட்டு வலசை சேர்ந்தவர் கண்ணன் (வயது 33). கட்டிட மேஸ்திரி. இவருக்கு மோகனா என்ற மனைவியும், ஒரு மகள், மகன் உள்ளனர். கண்ணன் நேற்று முன்தினம் இரவு வேலை முடிந்த பின்பு தனது மொபட்டில் வீட்டுக்கு திரும்பி கொண்டிருந்தார். இவருடன் வேலை பார்க்கும் சங்கர், அஸ்கர் ஆகியோர் பின்னால் அமர்ந்திருந்தனர்.

வெப்படை அருந்ததியர் காலனி பகுதியில் சென்றபோது மொபட் நிலைதடுமாறி சரிந்ததில், 3 பேரும் கீழே விழுந்தனர். இதில் கண்ணன் பலத்த காயம் அடைந்தார். அவரை அந்த வழியாக சென்றவர்கள் மீட்டு சிகிச்சைக்காக பெருந்துறை அரசு ஆஸ்பத்திரியில் சேர்த்தனர். அங்கு சிகிச்சை பலனின்றி கண்ணன் நேற்று பரிதாபமாக இறந்தார். இந்த விபத்து குறித்து வெப்படை போலீசார் வழக்குப்பதிவு செய்து விசாரணை நடத்தி வருகிறார்கள்.