கார் மோதி விசைத்தறி உரிமையாளர் பலி

பனமரத்துப்பட்டி:

சேலத்தை அடுத்த ஜலகண்டாபுரம் பகுதியை சேர்ந்தவர் கந்தசாமி (வயது 56), தறி உரிமையாளரான இவர், நேற்று முன்தினம் கொண்டலாம்பட்டியில் உள்ள உறவினர் வீட்டிற்கு சென்றுவிட்டு தனது வீட்டுக்கு வந்து கொண்டிருந்தார். கல்பரப்பட்டி பிரிவு சாலை அருகில் அந்த வழியாக வந்த கார், கந்தசாமி மீது மோதியது. இதில் சம்பவ இடத்திலேயே கந்தசாமி பரிதாபமாக இறந்தார். தகவல் அறிந்த ஆட்டையாம்பட்டி போலீசார் சம்பவ இடத்துக்கு விரைந்து வந்து கந்தசாமி உடலை மீட்டு பிரேத பரிசோதனைக்காக அனுப்பி வைத்தனர். இதுகுறித்து போலீசார் வழக்குப்பதிவு செய்து விசாரணை நடத்தினர்.