தனியார் பஸ் டிரைவர் விபத்தில் பலி

தலைவாசல்:

கள்ளக்குறிச்சி மாவட்டம் சின்னசேலம் தாலுகா மேலூர் கிராமத்தை சேர்ந்தவர் செந்தில் (வயது 35). தனியார் பஸ் டிரைவர். இவர் நேற்று மாலை தலைவாசல் வந்துவிட்டு, தனது மோட்டார் சைக்கிளில் வீட்டுக்கு திரும்பி கொண்டிருந்தார். வழியில் தலைவாசலை அடுத்த ஆஞ்சநேயர் கோவில் அருகில் முன்னால் சென்ற சரக்கு ஆட்டோ மீது மோட்டார் சைக்கிள் மோதியது. இதில் ஆட்டோவில் இருந்த இரும்பு கம்பி செந்தில் வயிற்றில் குத்தியது. இதனால் அவர் சம்பவ இடத்திலேயே பரிதாபமாக இறந்தார். இந்த சம்பவம் குறித்து தலைவாசல் போலீசார் வழக்குப்பதிவு செய்து விசாரணை நடத்தி வருகிறார்கள்.