வாகனம் மோதி முதியவர் பலி

மத்தூர்:

போச்சம்பள்ளி அருகே உள்ள வட்டகப்பட்டி பகுதியை சேர்ந்தவர் செவத்தான் என்ற மாரியப்பன் (வயது 70). இவர் கடந்த மாதம் 15-ந் தேதி சந்தூர்-காக்காதரை சாலையில் நடந்து சென்று கொண்டிருந்தார். அப்போது பின்னால் வந்த அடையாளம் தெரியாத வாகனம் அவர் மீது மோதியது. இதில் படுகாயம் அடைந்த அவர் கிருஷ்ணகிரி அரசு ஆஸ்பத்திரியில் சிகிச்சைக்காக சேர்க்கப்பட்டார். இந்தநிலையில் சிகிச்சை பலனின்றி நேற்று முன்தினம் பலியானார். இதுகுறித்து போச்சம்பள்ளி போலீசார் வழக்குப்பதிவு செய்து விசாரணை நடத்தி வருகிறார்கள்.