பஸ் மோதி வியாபாரி பலி

தேவகோட்டை,

தேவகோட்டை சென்மேரிஸ் பள்ளி அருகே வசித்து வந்தவர் ஷாஜகான் (வயது 47). இவர் தேவகோட்டை பஸ்நிலையம் அருகில் கடை வைத்து வியாபாரம் செய்து வந்தார். இவர் மோட்டார் சைக்கிளில் சென்றபோது அந்த வழியாக வந்த அரசு பஸ் மோதியது. இதில் ஷாஜகான் சம்பவ இடத்திலேயே பரிதாபமாக உயிரிழந்தார். இதுகுறித்து தகவல் அறிந்த தேவகோட்டை நகர் போலீசார் வழக்குப்பதிவு செய்து விசாரணை நடத்தி வருகின்றனர்.