அன்னதானப்பட்டியில் அரசு பஸ் மோதி தொழிலாளி சாவு

அன்னதானப்பட்டி:

சேலம் கோட்டை அண்ணா நகர் பகுதியை சேர்ந்தவர் சீனிவாசன் (வயது 45), சுமைதூக்கும் தொழிலாளி. நேற்று முன்தினம் காலை இவர் வேலை விஷயமாக அன்னதானப்பட்டிக்கு நடந்து வந்தார். அன்னதானப்பட்டி 4 ரோடு பகுதியில் சாலையை கடக்க முயன்றார். அப்போது பழைய பஸ் நிலையத்தில் இருந்து மகுடஞ்சாவடி நோக்கி சென்ற அரசு டவுன் பஸ் சீனிவாசன் மீது எதிர்பாராதவிதமாக மோதியது.

இதில் படுகாயமடைந்த அவரை அருகில் இருந்தவர்கள் மீட்டு சிகிச்சைக்காக சேலம் அரசு ஆஸ்பத்திரியில் சேர்த்தனர். அங்கு சிகிச்சை பலனின்றி சீனிவாசன் பரிதாபமாக இறந்தார்.

விபத்து குறித்து அன்னதானப்பட்டி போலீசார் வழக்குப்பதிவு செய்து விசாரணை நடத்தி வருகின்றனர்.