அரூரில் மோட்டார் சைக்கிள் மோதி முதியவர் படுகாயம்

அரூர்:

அரூர் தாமரைகுளம் பகுதியை சேர்ந்தவர் சின்னராஜ் (வயது 60). சம்பவத்தன்று இவர் அரூர் வர்ணதீர்த்தம் பகுதியில் நெடுஞ்சாலைத்துறை அலுவலகம் அருகே சாலையில் நடந்து சென்றார். அப்போது வேகமாக வந்த மோட்டார் சைக்கிள் அவர் மீது மோதிவிட்டு நிற்காமல் சென்றது. இதில் தூக்கி வீசப்பட்ட சின்னராஜ் தலையில் பலத்த காயம் அடைந்தார். மேலும் அவருடைய காலில் எலும்பு முறிவு ஏற்பட்டது. அந்த வழியாக சென்றவர்கள் அவரை மீட்டு சிகிச்சைக்காக தர்மபுரி அரசு ஆஸ்பத்திரிக்கு அனுப்பி வைத்தனர். அங்கு அவருக்கு தீவிர சிகிச்சை அளிக்கப்பட்டு வருகிறது. விபத்து குறித்து அரூர் போலீசார் வழக்குப்பதிவு செய்து விசாரணை நடத்தி வருகிறார்கள். மேலும், கண்காணிப்பு கேமரா பதிவுகளை ஆய்வு செய்து, முதியவர் மீது மோதிய மோட்டார் சைக்கிள் குறித்து விசாரணை நடத்தப்பட்டு வருகிறது.