லாரி மோதி தொழிலாளி சாவு

மேச்சேரி:

மேச்சேரி அருகே மலமானூர் பகுதியைச் சேர்ந்தவர் மயில்சாமி (வயது 59). இவர், மேச்சேரி அருகே உள்ள ஒரு தனியார் தொழிற்சாலையில் தொழிலாளியாக பணிபுரிந்து ஓய்வு பெற்றவர். இவர், மேச்சேரி- ஓமலூர் சாலையில் சந்தைப்பேட்டை அருகில் சாலையோரம் மொபட்டில் நின்று கொண்டிருந்தார். அந்த வழியாக வந்த லாரி மொபட் மீது மோதியது. இதில் மயில்சாமி படுகாயம் அடைந்து சம்பவ இடத்திலேயே பலியானார். மேலும் அந்த லாரி, சாலையோரம் நின்ற மேலும் 2 மோட்டார் சைக்கிள்கள் மீதும் மோதின. விபத்து குறித்து மேச்சேரி போலீசார் வழக்குப்பதிவு செய்து விசாரணை நடத்தினர்.