கார் மோதி வடமாநில தொழிலாளி பலி

போத்தனூர்: ஒடிசா மாநிலத்தை சேர்ந்தவர் லக்ஷ்மையா சாமி (வயது63). இவர் கடந்த 20 ஆண்டுகளாக கோவை மலுமிச்சம்பட்டி அய்யன் தோட்டம் பகுதியில் குடும்பத்துடன் தங்கி விவசாய கூலி வேலை செய்து வந்தார். நேற்று லக்ஷ்மையா சாமி, டீசல் வாங்குவதற்காக பொள்ளாச்சி- கோவை நெடுஞ்சாலையில் மலுமிச்சம்பட்டி பகுதியில் ரோட்டை கடக்க முயன்றார். அப்போது அந்த வழியாக வந்த வாடகை கார் லக்ஷ்மையா சாமி மீது மோதியது. இதில் படுகாயம் அடைந்த அவரை அங்கிருந்தவர்கள் மீட்டு 108 ஆம்புலன்ஸ் மூலம் கோவை அரசு மருத்துவமனைக்கு அனுப்பி வைத்தனர். அங்கு சிகிச்சையில் பலனின்றி லக்ஷ்மய்யா சாமி பரிதாபமாக உயிரிழந்தார். இது குறித்து செட்டிபாளையம் போலீசார் வழக்கு பதிவு செய்து விசாரணை நடத்தி வருகின்றனர்.