கிருஷ்ணகிரி அரசு மகளிர் கலைக்கல்லூரியில் முதலாம் ஆண்டு மாணவிகள் சேர்க்கை கலந்தாய்வு-நாளை மறுநாள் நடக்கிறது

கிருஷ்ணகிரி:

கிருஷ்ணகிரி அரசு மகளிர் கலைக் கல்லூரி முதல்வர் கண்ணன் வெளியிட்டுள்ள செய்திக்குறிப்பில் கூறியிருப்பதாவது:-

கிருஷ்ணகிரி அரசு மகளிர் கலைக்கல்லூரியில் முதலாம் ஆண்டு மாணவிகள் சேர்க்கைக்கான இறுதி கட்ட கலந்தாய்வு நாளை மறுநாள் (புதன்கிழமை) அனைத்து பாடப்பிரிவுகளுக்கும் நடக்கிறது.

இந்த கலந்தாய்விற்கு வரும் மாணவிகள் தங்கள் மாற்று சான்றிதழ், மதிப்பெண் சான்றிதழ், சாதி சான்று, ஆதார் அட்டை மற்றும் வங்கி கணக்கு புத்தகம் ஆகியவற்றின் அசல், நகல்கள், புகைப்படம்-5, சேர்க்கை கட்டணம் கொண்டு வரவேண்டும். இவ்வாறு அதில் அவர் கூறியுள்ளார்.