மதுவில் விஷம் கலந்து குடித்து வாலிபர் தற்கொலை

செஞ்சி

செஞ்சி அருகே உள்ள செம்மேடு மதுரா வீரமநல்லூர் கிராமத்தை சேர்ந்தவர் வேலு மகன் தவமணி(வயது 38). திருமணமான இவர் தனக்கு சேர வேண்டிய சொத்தை பிரித்து தரும்படி அவரது தாய் தேவகியிடம் கேட்டுள்ளார். ஆனால் அவர் சொத்தை பிரித்து தர மறுத்துவிட்டார்.

இதனால் விரக்தியடைந்த தவமணி நேற்று முன்தினம் இரவு மதுவில் விஷத்தை கலந்து குடித்து மயங்கி விழுந்தார். அவரை அக்கம்பக்கத்தினர் மீட்டு சிகிச்சைக்காக கீழ் பெண்ணாத்தூர் அரசு ஆஸ்பத்திரிக்கு அனுப்பி வைத்தனர். ஆனால் வழியிலேயே அவர் பரிதாபமாக இறந்தார். இதுகுறித்து தவமணியின் மனைவி லட்சுமி கொடுத்த புகாரின் பேரில் நல்லான்பிள்ளை பெற்றாள் போலீசார் வழக்குப்பதிவு செய்து விசாரணை நடத்தி வருகிறார்கள். முன்னதாக தவமணி தற்கொலை செய்வற்கு முன்பு பதிவிட்ட வீடியோ ஒன்று சமூக வலைதளங்களில் வைரலாக பரவி வருகிறது.