அகில இந்திய கூடைப்பந்து போட்டி

கரூர் கூடைப்பந்து கிளப்மற்றும் தனியார் நிறுவனங்கள் இணைந்து நடத்தும் 63-ம் ஆண்டு அகில இந்திய ஆண்கள் கூடைப்பந்து போட்டியும், 9-ம் ஆண்டு அகில இந்திய பெண்கள் கூடைப்பந்து போட்டியும் கரூர் திருவள்ளுவர் விளையாட்டு மைதானத்தில் கடந்த 22-ந் தேதி தொடங்கியது. இதில் ஆண்கள் போட்டியில் லோனாவிலா இந்தியன் நேவி, திருவனந்தபுரம் கே.எஸ்.இ.பி., பஞ்சாப் போலீஸ், டெல்லி இந்தியன் ரெயில்வே, பெங்களூரு பரோடா வங்கி, டெல்லி இந்தியன் ஏர்போர்ஸ், சென்னை டி.என்.பி.ஏ., சென்னை இந்தியன் வங்கி ஆகிய 8 அணிகளும், பெண்கள் போட்டியில் ஹூப்ளி சவுத் வெஸ்டர்ன் ரெயில்வே, கொல்கத்தா கிழக்கு ரெயில்வே, சென்னை டி.என்.பி.ஏ. அணி, டெல்லி வடக்கு ரெயில்வே, கேரளா போலீஸ் ஆகிய 5 அணிகள் பங்கேற்று விளையாடி வருகின்றனர்.

4-ம் நாளான நேற்று காலை நடைபெற்ற ஆண்கள் பிரிவு போட்டியில் டெல்லி ஏர்போர்ஸ் அணியும், சென்னை டி.என்.பி.ஏ. அணியும் மோதின. இப்போட்டியில் டெல்லி ஏர்போர்ஸ் அணி 76-65 என்ற புள்ளி கணக்கில் வெற்றி பெற்றது. நேற்று மாலை நடைபெற்ற பெண்கள் பிரிவில் சென்னை டி.என்.பி.ஏ. அணியும், கேரளா போலீஸ் அணியும் மோதின. இப்போட்டியில் கேரளா போலீஸ் அணி 58-37 என்ற புள்ளி கணக்கில் வெற்றி பெற்றது. இப்போட்டிக்கான ஏற்பாடுகளை கரூர் கூடைப்பந்து கிளப் தலைவர் வி.என்.சி. பாஸ்கர், செயலாளர் முகமது கமாலுதீன் உள்பட நிர்வாகிகள் செய்து வருகின்றனர்.