அம்மன் கோவில் கும்பாபிஷேகம்

தாயில்பட்டி,

வெம்பக்கோட்டை ஒன்றியம் தாயில்பட்டி அருகே உள்ள சுப்பிரமணியபுரம் கிராமத்தில் காளியம்மன் கோவில் உள்ளது. இந்த கோவிலில் கும்பாபிேஷகம் நடத்த முடிவு செய்யப்பட்டு திருப்பணிகள் நடைபெற்றன. பணிகள் நிறைவுற்ற நிலையில் கும்பாபிஷேகம் நடந்தது. காளியம்மன், சக்தி விநாயகர், பைரவர் விமான கலசத்திற்கு கும்பாபிஷேகம் நடைபெற்றது. முன்னதாக யாகசாலை பூஜை, கணபதி ஹோமம், கோ பூஜை, வாஸ்து சாந்தி, 2-ம் கால யாக பூஜை, நவக்கிரக ஹோமம் உள்பட பல்வேறு பூஜைகள் நடைபெற்றது. பின்னர் அம்மனுக்கு சிறப்பு அலங்காரம் செய்யப்பட்டது. இதில் திரளான பக்தர்கள் கலந்து கொண்டு சாமி தரிசனம் செய்தனர். இதற்கான ஏற்பாடுகளை விழா கமிட்டியினர் செய்திருந்தனர்.