சாலையோரம் இறந்து கிடந்த முதியவர்

களியக்காவிளை:

குழித்துறையில் சாலையோரம் முதியவர் இறந்து கிடந்தார்.

குழித்துறை சந்திப்பில் சாலையோரம் நேற்று காலையில் முதியவர் ஒருவர் இறந்த நிலையில் கிடந்தார். இதை பார்த்த பொதுமக்கள் களியக்காவிளை போலீசாருக்கு தகவல் கொடுத்தனர். போலீசார் சம்பவ இடத்திற்கு விரைந்து வந்து விசாரணை நடத்தினர். பிணமாக கிடந்தவர் ஜீன்ஸ் பேண்ட், சட்டை அணிந்திருந்தார். அவர் யார்? எப்படி இறந்தார்? என்ற விவரம் தெரியவில்லை. இதையடுத்து பிணத்தை போலீசார் கைப்பற்றி பிரேத பரிசோதனைக்காக குழித்துறை அரசு மருத்துவமனைக்கு அனுப்பி வைத்தனர். இது குறித்து போலீசார் வழக்கு பதிவு செய்து முதியவர் யார்? என்பது குறித்து விசாரணை நடத்தி வருகிறார்கள்.