விஷப்பூச்சி கடித்து மூதாட்டி பலி

ஸ்ரீவில்லிபுத்தூர்,

ஸ்ரீவில்லிபுத்தூர் அருகே உள்ள வளையப்பட்டி பகுதியை சேர்ந்தவர் மகாதேவன். இவரது தாய் காளியம்மாள் (வயது 76). இவரை விஷ பூச்சி கடித்ததாக கூறப்படுகிறது. உடனடியாக அவரை சிகிச்சைக்காக ஸ்ரீவில்லிபுத்தூர் அரசு ஆஸ்பத்திரியில் சேர்த்தனர். அங்கு அவரை பரிசோதித்த டாக்டர்கள் அவர் ஏற்கனவே இறந்து விட்டதாக தெரிவித்தனர். இந்த சம்பவம் குறித்து கிருஷ்ணன் கோவில் போலீசார் வழக்குப்பதிவு செய்து விசாரணை நடத்தி வருகிறார்கள்.