ரூ.13½ லட்சத்தில் அங்கன்வாடி கட்டிட பணிகள்

ஜோலார்பேட்டை

பொன்னேரி பகுதியில்ரூ.13½ லட்சத்தில் அங்கன்வாடி கட்டிட பணிகளை தேவராஜி எம்.எல்.ஏ. தொடங்கி வைத்தார்

ஜோலார்பேட்டை ஒன்றியம், பொன்னேரி ஊராட்சி ராமனூர் பகுதியில் ரூ.13½ லட்சத்தில் புதிய அங்கன்வாடி மைய கட்டிடம் அமைப்பதற்கான தொடக்க விழா ஒன்றியக் குழு தலைவர் எஸ்.சத்யா சதீஷ்குமார் தலைமையில் நடந்தது. வட்டார வளர்ச்சி அலுவலர் தினகரன், மாவட்ட கவுன்சிலர்கள் சிந்துஜா ஜெகன், கவிதா தண்டபாணி, மேற்கு ஒன்றிய செயலாளர் எஸ்.கே.சதீஷ்குமார் ஆகியோர் முன்னிலை வகித்தனர். திருப்பத்தூர் மாவட்ட தி.மு.க.செயலாளரும், ஜோலார்பேட்டை தொகுதி எம்.எல்.ஏ.வுமான க.தேவராஜி கலந்து கொண்டு புதிய அங்கன்வாடி மைய கட்டிட பணியினை தொடங்கி வைத்தார்.

நிகழ்ச்சியில் ஜோலார்பேட்டை நகர தி.மு.க. செயலாளர் ம.அன்பழகன், ஊராட்சி மன்ற தலைவர் நந்தினி அருள், துணைத் தலைவர் அரவிந்தன், ஊராட்சி செயலாளர் சின்னத்தம்பி மற்றும் துறை சார்ந்த அலுவலர்கள், உள்ளாட்சி பிரதிநிதிகள், பொதுமக்கள் கலந்து கொண்டனர்.