கடையநல்லூரில் அண்ணா நினைவு தினம்

கடையநல்லூர்:

கடையநல்லூரில் நகர தி.மு.க. சார்பில் அண்ணா நினைவு தினத்தை முன்னிட்டு அவரது உருவ சிலைக்கு மாலை அணிவித்து மரியாதை செலுத்தினர். நிகழ்ச்சிக்கு நகர செயலாளர் அப்பாஸ் தலைமை தாங்கினார். நகர்மன்ற தலைவர் மூப்பன் ஹபீபுர் ரஹ்மான் முன்னிலை வகித்தார். தலைமை செயற்குழு உறுப்பினர் செல்லத்துரை, அண்ணா சிலைக்கு மாலை அணிவித்து மரியாதை செலுத்தினார். மாவட்ட பிரதிநிதி தம்பிதுரை, வார்டு கவுன்சிலர் முருகன், நகர அவை தலைவர் முருகையா, துணை செயலாளர் காசி, வார்டு செயலாளர்கள் கணேசன், காளிமுத்து, செய்யது மசூது, முருகானந்தம் உள்பட பலர் கலந்து கொண்டனர்.