குழந்தை கொலை வழக்கில் மேலும் ஒரு பெண் கைது

அரக்கோணம்

அரக்கோணம் காவனூர் ரோடு தோல்ஷாப் பகுதியை சேர்ந்தவர் மனோ (வயது 22). இவரது 40 நாட்களே ஆன ஆண் குழந்தையை வாளி தண்ணீரில் அமுக்கி கஒலை செய்யப்பட்ட வழக்கில் மனோவின் வீட்டின் அருகில் உள்ள உறவினரான தேன்மொழி (32), இவரது மகள் பாரதி (28) ஆகியோரை பிடித்து விசாரணை மேற்கொண்டதில் அவர்கள் இருவரும் குழந்தையை கொன்றது தெரியவந்தது. அவர்கள் இருவரையும் போலீசார் கைது செய்தனர்.

இந்தநிலையில் குழந்தையின் கொலையில் இவர்களுக்கு உடந்தையாக இருந்து செயல்பட்டதாக மனோவின் பெரியப்பா மகள் அனு (47) என்பவரையும் அரக்கோணம் டவுன் போலீசார் கைது செய்து சிறையில் அடைத்தனர்.