கல்வி உதவித்தொகை பெற விண்ணப்பிக்கலாம்

திருப்பூர்,

தொழிற்படிப்பு மற்றும் தொழில் சார்ந்த படிப்புகளை தேர்ந்தெடுத்து படிக்கும் முன்னாள் படைவீரர்களின் சிறுவர்களுக்கு பாரத பிரதமரின் கல்வி உதவித்தொகை 2022-23-ம் கல்வி ஆண்டுக்கு வழங்கப்பட உள்ளது. ஒரு வருடத்துக்கு பாரத பிரதமரின் கல்வி உதவித்தொகை மாணவர்களுக்கு ரூ.30 ஆயிரம், மாணவிகளுக்கு ரூ.36 ஆயிரம் வழங்கப்பட உள்ளது.

இந்த உதவித்தொகை பெற விண்ணப்பிக்க நவம்பர் மாதம் 30-ந் தேதி கடைசிநாளாகும். மேலும் விவரங்களுக்கு திருப்பூர் மாவட்ட முன்னாள் படைவீரர் நல உதவி இயக்குனர் அலுவலகத்தை நேரிலோ, தொலைபேசி எண் 0421 2971127 மூலமாகவோ தொடர்பு கொள்ளலாம்.

இந்த வாய்ப்ப்பை முன்னாள் படைவீரர்கள் மற்றும் அவரை சேர்ந்தவர்கள் பயன்படுத்திக்கொள்ள வேண்டும். www.ksb.gov.inஎன்ற இணையதளத்தில் விண்ணப்பிக்கலாம்.

இந்த தகவலை திருப்பூர் மாவட்ட கலெக்டர் வினீத் தெரிவித்துள்ளார்.

----