தற்காலிக பணியிடங்களில் சேர விண்ணப்பிக்கலாம்

காலிப்பணியிடங்கள்

ராமநாதபுரம் மாவட்ட தூய்மை பாரத இயக்கம் ஊரக திட்டத்தின் கீழ் மாவட்ட திட்ட மேலாண்மை மற்றும் தகவல் கல்வி தொடர்பு மையம் அமைத்திட 6 தற்காலிக பணியிடங்கள் அவுட் சோர்சிங் முறையில் நிரப்பப்பட உள்ளது. திடக்கழிவு மேலாண்மை நிபுணர் பணிக்கு 2 தற்காலிக பணியிடங்களும், திரவ கழிவு மேலாண்மை நிபுணர் பணிக்கு 1 தற்காலிக பணியிடமும் நிரப்பப்பட உள்ளது.

இந்த பணியிடத்திற்கு சுற்றுச்சூழல், சிவில் என்ஜினீயரிங் பட்டப்படிப்பு முடித்திருக்க வேண்டும். மாத ஊதியம் ரூ.35,000 வழங்கப்படும். திட்டமிடுதல், ஒருங்கிணைத்தல் மற்றும் கண்காணித்தல் நிபுணர் 1 தற்காலிக பணியிடத்துக்கு பி.டெக்., எம்.எஸ்சி., எம்.பி.ஏ. பட்டப்படிப்பு, பட்ட மேற்படிப்பு முடித்திருக்க வேண்டும். மாதாந்திர ஊதியம் ரூ.35,000 வழங்கப்படும்.

விண்ணப்பிக்கலாம்

தகவல் மற்றும் கல்வி தொடர்பு ஆலோசகர் பணிக்கு 2 தற்காலிக பணியிடங்கள் நிரப்பப்பட உள்ளது. மாஸ் கம்யூனிகேசன், மாஸ் மீடியா முதுகலை பட்டம் முடித்திருக்க வேண்டும். மாதாந்திர ஊதியம் ரூ.25,000 வழங்கப்படும். இந்த பணியிடங்களுக்கு தகுதியான விண்ணப்பதாரர்களிடமிருந்து. விண்ணப்பங்கள் பெறப்பட உள்ளது. வரும் 14-ந்தேதி மாலைக்குள் மேலாளர், மாவட்ட முகமை, மாநில ஊரக வாழ்வாதார திட்ட செயலாக்க அலகு (மகளிர் திட்டம்), கலெக்டர் அலுவலக வளாகம், ராமநாதபுரம்-623504 என்ற முகவரிக்கு தபால் மூலமாகவோ அல்லது நேரடியாகவோ விண்ணப்பங்கள் சமர்ப்பிக்கலாம். இந்த தகவலை ராமநாதபுரம் கலெக்டர் விஷ்ணு சந்திரன் தெரிவித்துள்ளார்.