சினிமா தியேட்டரில் தகராறு; வாலிபர் கைது

திருப்பரங்குன்றம்

திருப்பரங்குன்றத்தில் உள்ள ஒரு தியேட்டரில் நேற்று முன்தினம் சினிமா பார்க்க வந்தவர்களில் 8 பேர் படம் பார்க்க மற்றவர்களுக்கு இடையூறாக இருசக்கர வாகனத்தை ஒட்டியதாக கூறப்படுகிறது. அதை கண்ட தியேட்டர் ஊழியர்கள் அவர்களை எச்சரித்தனர். இதனால் தியேட்டர் ஊழியர்களுக்கும், அவர்களுக்கும் இடையே தகராறு ஏற்பட்டது. அப்போது தியேட்டர் முன் பக்க கண்ணாடி உடைந்தது. இதுதொடர்பாக புகாரின்பேரில் திருநகர் போலீசார் வழக்குபதிவு செய்து திருப்பரங்குன்றம் பெரிய ரதவீதியை சேர்ந்த ராமலிங்கம்(வயது 37) என்பவரை கைது செய்தனர். மேலும் 7 பேரை வலைவீசி தேடி வருகின்றனர். இதே வழக்கில் ராமலிங்கம் கொடுத்த புகாரின் பேரில் சன்னதி தெருவை சேர்ந்த பிரபாகரன் (39) என்பவரை கைது செய்தனர். மேலும் தப்பியோடிய 2 பேரை போலீசார் தேடி வருகின்றனர்.