மதுபோதையில் தகராறு; 2 பேர் கைது

ஓசூர்:-

ஓசூர் மூக்கண்டப்பள்ளியை சேர்ந்தவர் அஸ்கர்அலி (வயது 30), கூலித்தொழிலாளி. சம்பவத்தன்று இவர், அரசனட்டி சூர்யாநகர் பகுதியில் அமர்ந்து மது குடித்து கொண்டிருந்தார். அதே பகுதியை சேர்ந்த சத்தியமூர்த்தி (23), பிரதீப் (23) ஆகியோர் மதுபோதையில் அங்கு வந்தனர். பின்னர், அவர்கள் அஸ்கர்அலியிடம் தகராறு செய்து அவரை தாக்கியதாக கூறப்படுகிறது. இதுகுறித்து அஸ்கர்அலி, ஓசூர் சிப்காட் போலீசில் புகார் செய்தார். அதன்பேரில் போலீசார் வழக்குப்பதிவு செய்து விசாரணை நடத்தி சத்தியமூர்த்தி, பிரதீப் ஆகிய இருவரையும் கைது செய்தனர்.