மோட்டார்சைக்கிளை எரித்த வாலிபர் கைது

தொண்டி,

தொண்டி அருகே உள்ள நம்புதாளை கிழக்கு தெருவை சேர்ந்தவர் சேகுபரீது (வயது 58). இவரது மகளை அதே ஊரை சேர்ந்த ரகுமான்(30) என்பவருக்கு திருமணம் செய்து கொடுத்துள்ளார். இவரை கணவனும் மாமியாரும் துன்புறுத்தி வந்துள்ளனர். இதனால் சேகுபரீது அங்குள்ள ஜமாத்தில் கூறியதை தொடர்ந்து சமாதானம் செய்து வைத்துள்ளனர். இந்தநிலையில் வெளிநாடு சென்ற ரகுமான் சொந்த ஊருக்கு வந்தவர் அவரது மாமனார் வீட்டிற்கு சென்று வீட்டின் வாசலில் நிறுத்தி இருந்த மோட்டார் சைக்கிளை தீ வைத்து கொளுத்தியுள்ளார். மேலும் கொலை மிரட்டல் விடுத்துள்ளார். இதுகுறித்த புகாரின் பேரில் தொண்டி போலீஸ் இன்ஸ்பெக்டர் முருகேசன் மற்றும் போலீசார் வழக்குப்பதிவு செய்து ரகுமானை கைது செய்தனர்.