புகையிலை பொருட்கள் விற்றவர் கைது

திருப்புவனம்,

திருப்புவனம் அருகே உள்ள மேலவெள்ளூர் கிராமத்தை சேர்ந்தவர் ஆறுமுகம் (வயது 47). இவர் தனது பெட்டிக்கடையில் அரசால் தடை செய்யப்பட்ட புகையிலை பொருட்கள் விற்பனை செய்வதாக திருப்புவனம் போலீசாருக்கு தகவல் கிடைத்தது. அதன்பேரில் போலீஸ் சப்-இன்ஸ்பெக்டர் ராமசுப்பிரமணியன் தலைமையில் சென்ற போலீசார் கடையில் சோதனை செய்தபோது, அங்கு 3 சாக்குப்பைகளில் புகையிலை பொருட்கள் இருந்தது தெரியவந்தது. அதில் மொத்தம் 2256 புகையிலை பாக்கெட்டுகள் இருந்தது. அதன் மதிப்பு ரூ. 1 லட்சத்து 12 ஆயிரத்து 800 என போலீசார் ெதரிவித்தனர். இதையடுத்து போலீசார் வழக்குப்பதிவு செய்து ஆறுமுகத்தை கைது செய்தனர்.