புகையிலை பொருட்கள் விற்றவர் கைது

இளையான்குடி,

இளையான்குடி அருகே உள்ள ஏமம் கிராமத்தை சேர்ந்தவர் குணசேகரன் (வயது 50). இவர் தனது பெட்டி கடையில் அரசால் தடை செய்யப்பட்ட புகையிலை பொருட்கள் விற்பதாக இளையான்குடி போலீசாருக்கு தகவல் கிடைத்தது. இதன்பேரில் சப்-இன்ஸ்பெக்டர் மணிகண்ட ஈஸ்வரர் மற்றும் போலீசார் அங்கு சென்று சோதனையிட்டனர். அப்போது அவர் புகையிலை பொருட்கள் விற்றது கண்டுபிடிக்கப்பட்டது. இதையடுத்து அவரை கைது செய்த போலீசார், 27 புகையிலை பாக்கெட்டுகளை பறிமுதல் செய்தனர்.