சகோதரர்கள் உள்பட 4 பேர் கைது

வீடு புகுந்து வாலிபர் கொலை ெசய்யப்பட்ட வழக்கில் சகோதரர்கள் உள்பட 4 பேர் கைது செய்யப்பட்டனர்.

கட்டிட தொழிலாளி கொலை

மதுரை விளாங்குடி கரிசல்குளம் பகுதியை சேர்ந்தவர் பூமிநாதன் (வயது 21). கட்டிட தொழிலாளி. நேற்று முன்தினம் மாலை இவர் வேலை முடிந்து வீட்டிற்கு வந்தார். அந்த நேரத்தில் 4 பேர் கொண்ட கும்பல் திடீரென்று வீட்டிற்குள் புகுந்தது. அந்த கும்பல் கண்இமைக்கும் நேரத்தில் பூமிநாதனை சரமாரியாக வெட்டி கொலை செய்து விட்டு தப்பி விட்டது. இதில் சம்பவ இடத்திலேயே ரத்த வெள்ளத்தில் அவர் பரிதாபமாக இறந்தார்.

தகவல் அறிந்து கூடல்புதூர் போலீசார் சம்பவ இடத்திற்கு விரைந்து வந்தனர். அவர்கள் பூமிநாதன் உடலை கைப்பற்றி பிரேத பரிசோதனைக்கு அனுப்பி வைத்தனர். மேலும் சம்பவம் குறித்து வழக்குப்பதிவு செய்து விசாரணை நடத்தினர்.

4 பேர் கைது

அதில் கூடல்புதூர் பகுதியை சேர்ந்த பிரவீன் என்பவர் கடந்த 2021-ம் ஆண்டு கொலை செய்யப்பட்டார். அந்த வழக்கில் பூமிநாதன் சேர்க்கப்பட்டிருந்தார். அதன்பின்பு அவர் தனது நண்பரான முருகானந்தம் என்பவருடன் அந்த பகுதியில் ரவுடி போன்று திரிந்து உள்ளார். இந்த நிலையில் கரிசல் குளத்தை சேர்ந்த ஜீவா (21) என்பவரை பூமிநாதன், முருகானந்தம் ஆகிய இருவரும் சேர்ந்து அடித்து உதைத்துள்ளனர். அதில் ஆத்திரம் அடைந்த அவர், அவர்கள் இருவரையும் தீர்த்துக்கட்ட திட்டமிட்டுள்ளார்.

அதன்படி ஜீவா தனது நண்பர்களான ஆரப்பாளையத்தை சேர்ந்த ஜீவமணிகண்டன் (21), அவரது சகோதரர் மணிராஜ் (22), நவீன்பிரசாத் (24) ஆகியோர் உதவியுடன் வீடு புகுந்து பூமிநாதனை வெட்டி கொலை செய்தது தெரியவந்தது. அதை தொடர்ந்து போலீசார் அவர்கள் 4 பேரையும் கைது செய்தனர்.