பாப்பாரப்பட்டியில் சூதாடிய 4 பேர் கைது

பாப்பாரப்பட்டி:

பாப்பாரப்பட்டி சின்ன ஏரிக்கரை பகுதியில் பாப்பாரப்பட்டி போலீஸ் சப்-இன்ஸ்பெக்டர் ரவுத்ரி வெங்கடேஷ் தலைமையிலான போலீசார் ரோந்து பணியில் ஈடுபட்டனர். அப்போது புதர் மறைவில் ஒரு கும்பல் பணம் வைத்து சூதாடுவது தெரியவந்தது. அவர்களை போலீசார் சுற்றி வளைத்து பிடித்தனர். விசாரணையில் அவர்கள் பாப்பாரப்பட்டியை சேர்ந்த ராஜேந்திரன், தனபால், ஓம்பிரகாஷ், பாலவாடி கிராமத்தை சேர்ந்த முருகன் என்பது தெரியவந்தது. இதையடுத்து போலீசார் வழக்குப்பதிவு செய்து அவர்கள் 4 பேரையும் கைது செய்தனர். அவர்களிடம் இருந்து ரூ.7 ஆயிரம், சீட்டு கட்டுகள் பறிமுதல் செய்யப்பட்டன.