ஓசூர் அருகே பெண்ணை தாக்கிய 3 பேர் கைது

ஓசூர்:

ஓசூர் ஒன்னல்வாடி அருகேயுள்ள சோமநாதபுரத்தை சேர்ந்தவர் ரத்னம்மா (வயது 52). இவர் அருகில் உள்ள காரப்பள்ளி பகுதியை சேர்ந்தவர் குமார் (33). கடந்த 22-ந் தேதி காரப்பள்ளி டாஸ்மாக் கடை அருகில், குமார் தரப்பினர் ரத்தினம்மாவின் மகன் மூர்த்தி மற்றும் உமேசுடன் மது போதையில் தகராறு செய்தனர். இது தொடர்பாக ஏற்பட்ட பிரச்சினையில் தட்டிகேட்ட ரத்தினம்மாவை குமார் தரப்பினர் தாக்கினார்கள். இது குறித்து அவர் கொடுத்த புகாரின் பேரில் ஓசூர் டவுன் போலீசார் விசாரணை நடத்தி குமார், சேட்டு (24), முருகேஷ் (33) ஆகிய 3 பேரை கைது செய்தனர்.