மதுவிற்ற பெட்டிக்கடைக்காரர் கைது

பரமத்திவேலூர்

ஒடிசா மாநிலம், ஸ்ரீ சண்டன்பூர் பகுதியை சேர்ந்தவர் சுடரசன்சாகு (வயது 51). இவர் பரமத்தி வேலூர் தாலுகா, பரமத்தி அருகே கரூரில் இருந்து சேலம் செல்லும் பைபாஸ் சாலையில் பிள்ளைகளத்தூர் பகுதியில் பெட்டிக்கடை வைத்து நடத்தி வருகிறார். இவர் தனது பெட்டிக்கடையில் மதுப்பாட்டில்களை மறைத்து விற்பனை செய்து வருவதாக பரமத்தி போலீசாருக்கு தகவல் கிடைத்தது. இதன்பேரில் அங்கு சென்ற போலீசார் பெட்டிக்கடையில் சோதனை செய்தனர். சோதனையில் சுடரசன்சாகு பெட்டிக் கடைக்குள் மறைத்து வைத்து மதுப்பாட்டில்களை விற்பனை செய்தது தெரியவந்தது. அதனையடுத்து பரமத்தி போலீசார் சுடரசன்சாகு மீது வழக்குப்பதிந்து கைது செய்தனர். அவரிடம் இருந்து 10 மதுபாட்டில்கள் பறிமுதல் செய்யப்பட்டது.