நிலக்கோட்டை அருகே கஞ்சா கடத்திய 3 பேர் கைது

நிலக்கோட்டை அருகே குண்டலப்பட்டி பிரிவு பகுதியில் தனிப்படை போலீசாருடன் இணைந்து நிலக்கோட்டை போலீசார் வாகன சோதனையில் ஈடுபட்டனர்.

அப்போது அந்த வழியாக ஒரே மோட்டார் சைக்கிளில் 3 பேர் வந்தனர். இதையடுத்து அவர்களை போலீசார் மடக்கி பிடித்து விசாரணை நடத்தினர். அதில், அவர்கள் முன்னுக்குப்பின் முரணாக பதில் அளித்தனர். இதையடுத்து அவர்களது மோட்டார் சைக்கிளை சோதனை செய்தபோது, கஞ்சா கடத்தி வந்தது தெரியவந்தது. பின்னர் அவர்களிடம் போலீசார் விசாரணை நடத்தியதில், அவர்கள் குண்டலப்பட்டி பூஞ்சோலை தெருவை சேர்ந்த நவீன், முசுவனூத்து தெற்குத்தெருவை சேர்ந்த முத்துக்குமார், அணைப்பட்டியை சேர்ந்த நாகராஜ் என்பது தெரியவந்தது.

இதையடுத்து போலீசார் வழக்குப்பதிவு செய்து நவீன் உள்பட 3 பேரையும் கைது செய்தனர். மேலும் அவர்களிடம் இருந்து அரை கிலோ கஞ்சா மற்றும் மோட்டார் சைக்கிள் பறிமுதல் செய்யப்பட்டது.