வயதான தம்பதியை தாக்கிய விவசாயி கைது

சூளகிரி

சூளகிரி அருகே உள்ள முருகனப்பள்ளியை சேர்ந்தவர் சின்னப்பா (வயது 80). இவரது மனைவி வேடியம்மா (70). அதே பகுதியை சேர்ந்தவர் செல்வராஜ் (60) விவசாயிகள். இவர்களுக்குள் நில பிரச்சினை இருந்து வந்தது. இதுதொடர்பாக நேற்று முன்தினம் அவர்களுக்குள் தகராறு ஏற்பட்டுள்ளது. இதில் ஆத்திரமடைந்த செல்வராஜ், சின்னப்பாவையும், வேடியம்மாவையும் தாக்கினார். இதில் காயம் அடைந்த அவர்கள் கிருஷ்ணகிரி அரசு மருத்துவமனையில் அனுமதிக்கப்பட்டனர். இது குறித்த புகாரின் பேரில் போலீசார் வழக்குப்பதிவு செய்து செல்வராஜை கைது செய்தனர்.