17 வயது சிறுமியை கர்ப்பமாக்கிய வாலிபர் கைது

ஓசூர்

கிருஷ்ணகிரி மாவட்டம் ஓசூர் பகுதியை சேர்ந்தவர் 17 வயது சிறுமி. இவர், 10-ம் வகுப்பு வரை படித்துவிட்டு வீட்டில் இருந்தார். இவருக்கும், ஓசூர் அருகே கொத்தகொண்டபள்ளி விநாயகபுரத்தை சேர்ந்த ரவி (30) என்பவருக்கும் பழக்கம் ஏற்பட்டது. ரவி, சொந்தமாக சரக்கு வாகனம் வைத்து ஓட்டி வருகிறார். நாளடைவில் இவர்கள் 2 பேரும் நெருங்கி பழகினர். இந்த நிலையில் ரவி, ஆசை வார்த்தைகள் கூறி சிறுமியை கர்ப்பமாக்கிவிட்டதாக கூறப்படுகிறது. இது குறித்த புகாரின் பேரில் கிருஷ்ணகிரி குழந்தைகள் நல குழுமத்தினர் விசாரணை நடத்தினர். இதுதொடர்பாக அவர்கள் ஓசூர் அனைத்து மகளிர் போலீசில் புகார் செய்தனர். அதன்பேரில் போலீசார் போக்சோவின் கீழ் வழக்குப்பதிவு செய்து ரவியை கைது செய்தனர்.