தொழிலாளியை மதுபாட்டிலால் குத்தியவர் கைது

அன்னதானப்பட்டி:-

சேலம் அன்னதானப்பட்டியை அடுத்த மூலப்பிள்ளையார் கோவில் பகுதியைச் சேர்ந்தவர்கள் சுப்ரமணி (வயது 60). பிரகாஷ் (57). நண்பர்களான இருவரும் நேற்று முன்தினம் இரவு தாதகாப்பட்டி சண்முக நகர் சந்திப்பு பகுதியில் உள்ள டாஸ்மாக் கடையில் மது அருந்தினர். அப்போது ஏற்பட்ட தகராறில் பிரகாஷ் மது பாட்டிலை உடைத்து சுப்ரமணியை சரமாரியாக குத்தினார். இதில் படுகாயமடைந்த சுப்ரமணி சேலம் அரசு மருத்துவமனையில் அனுமதிக்கப்பட்டு சிகிச்சை பெற்று வருகிறார். இது குறித்த புகாரின் பேரில் வழக்குப் பதிவு செய்த அன்னதானப்பட்டி போலீசார் தப்பி ஓடிய பிரகாஷை செவ்வாய்பேட்டை நரசிம்மன் செட்டி ரோடு பகுதியில் வைத்து நேற்று கைது செய்தனர்.