பஸ் டிரைவருடன் தகராறு செய்த லாரி மெக்கானிக் கைது

ராணிப்பேட்டை மாவட்டம் ரத்தனகிரியை அடுத்த மாங்குப்பம் கிராமத்தை சேர்ந்தவர் ஜோதிபாபு (வயது 31), லாரி மெக்கானிக். இவர் நேற்று முன்தினம் இரவு மாங்குப்பம் கிராமத்திற்கு மோட்டார் சைக்கிளில் சென்றுள்ளார். அப்போது முன்னால் சென்ற பஸ் வழிவிடவில்லை என தெரிகிறது. மாங்குப்பத்தில் உள்ள டாக்டர் குடியிருப்பு அருகே பஸ்சை டிரைவர் நிறுத்தியுள்ளார்.

அப்போது பஸ் டிரைவர் திருவண்ணாமலை மாவட்டம் சேத்பட்டு பகுதியைச் சேர்ந்த மாதவனிடம், ஜோதிபாபு தகராறு செய்துள்ளார். இது குறித்து மாதவன் ரத்தினகிரி போலீசில் புகார் செய்தார். அதன் பேரில் போலீசார் வழக்குப் பதிவு செய்து ஜோதிபாபுவை கைது செய்து விசாரணை நடத்தி வருகின்றனர்.