சுதந்திர போராட்ட வீரர்கள் குறித்து பள்ளி மாணவ, மாணவிகளுக்கு கலை இலக்கிய போட்டி

இந்தியாவின் 75-வது சுதந்திர தின விழாவை முன்னிட்டு தூத்துக்குடி மீன்வளக்கல்லூரி சார்பில் இந்தியாவின் அறியப்படாத சுதந்திரப் போராட்ட மாவீரர்களைப் பற்றியும், சுதந்திரத்திற்காக அவர்களின் தியாகத்தைப் பற்றியும் மாணவ, மாணவிகள் அறிந்து கொள்ளும் வகையில் குரூஸ்புரம் ஆர்.சி.ஆரம்பப் பள்ளியில் விழிப்புணர்வு நிகழ்ச்சி நடத்தப்பட்டது. நிகழ்ச்சியையொட்டி மாணவ, மாணவிகளுக்கு பேச்சு போட்டி, கவிதை எழுதுதல், சுதந்திர போராட்டத்தில் கலந்து கொண்ட வீரர்களை கண்டறிதல் போன்ற போட்டிகள் நடத்தப்பட்டன. போட்டிகளில் வெற்றி பெற்றவர்களுக்கும், பங்கு பெற்ற மாணவ, மாணவிகளுக்கும் கல்லூரி முதல்வர் (பொறுப்பு) சாந்தகுமார் பரிசு மற்றும் சான்றிதழ்களை வழங்கி பாராட்டினார்.

நிகழ்ச்சி ஏற்பாடுகளை பேராசிரியை உமாமகேசுவரி, உதவி பேராசிரியர்கள் மணிமேகலை, துரைராஜா ஆகியோர் செய்து இருந்தனர்.