கட்டிட தொழிலாளி மீது தாக்குதல்

விழுப்புரம்

விழுப்புரம் அருகே உள்ள கலிஞ்சிக்குப்பத்தை சேர்ந்தவர் பிரபு(வயது 37), அதே பகுதியை சேர்ந்தவர் பழனி(55). உறவினர்களான இவர்கள் இருவரும் கட்டிட வேலை செய்து வருகின்றனர். சம்பவத்தன்று பிரபு வளர்க்கும் நாய், பழனியை பார்த்து குறைத்துள்ளது. இதை பிரபுவின் மனைவியிடம் கேட்டு பழனி பிரச்சினை செய்துள்ளார். இதையறிந்த பிரபு, பழனியிடம் சென்று எனது மனைவியிடம் எப்படி பிரச்சினை செய்யலாம் என்று கேட்டபோது அவர்களுக்கிடையே ஏற்பட்ட தகராறில் பிரபுவை பழனி திட்டி தாக்கியதாக கூறப்படுகிறது. இதுகுறித்து பிரபு கொடுத்த புகாரின் பேரில் பழனி மீது வளவனூர் போலீசார் வழக்குப்பதிவு செய்து விசாரணை நடத்தி வருகின்றனர்.கட்டிட தொழிலாளி மீது தாக்குதல்

.