தம்பதி மீது தாக்குதல்:4 பேர் மீது வழக்கு

தேனி அருகே உள்ள பூதிப்புரத்தை சேர்ந்தவர் கதிரிசாமி. இவரது மனைவி செல்வி (வயது 45). இந்த தம்பதியின் உறவினர்களான அதே பகுதியை சேர்ந்தவர்கள் அமராவதி (66), துரைபாண்டி (30), கோபுரத்தம்மாள், தமிழ்செல்வி. இவர்களுக்கும், கதிரிசாமி குடும்பத்தினருக்கும் இடையே இடப்பிரச்சினை இருந்து வந்தது. இந்நிலையில் கடந்த 20-ந்தேதி கதிரிசாமி தனது மனைவியுடன் சம்பந்தப்பட்ட இடத்தில் நின்று கொண்டிருந்தார். அப்போது அமராவதி உள்பட 4 பேரும் அங்கு வந்தனர்.

அவர்கள் கதிரிசாமியிடம் தகராறில் ஈடுபட்டனர். இதில் 4 பேரும் சேர்ந்து உருட்டு கட்டையால் அவரை தாக்கினர். அதை தடுக்க வந்த அவரது மனைவியையும் தாக்கினர். இதில் படுகாயமடைந்த 2 பேரும் தேனி அரசு மருத்துவ கல்லூரி மருத்துவமனையில் சிகிச்சை பெற்றனர். இதுகுறித்து செல்வி பழனிசெட்டிபட்டி போலீசில் புகார் கொடுத்தார். அதன்பேரில் போலீசார் துரைபாண்டி, அமராவதி உள்பட 4 பேர் மீதும் வழக்குப்பதிவு செய்து விசாரணை நடத்தி வருகின்றனர்.