சீனாபுரம் கால்நடை சந்தையில் ரூ.1 கோடிக்கு மாடுகள் விற்பனை

சீனாபுரம் கால்நடை சந்தையில் ரூ.1 கோடிக்கு மாடுகள் விற்பனையானது.

கால்நடை சந்தை

பெருந்துறையை அடுத்த சீனாபுரத்தில் நேற்று கால்நடை சந்தை நடைபெற்றது. இந்த சந்தைக்கு சேலம் மாவட்டம் முத்துநாயக்கன்பட்டி, தர்மபுரி மாவட்டம் காரிமங்கலம், நாமக்கல் மாவட்டம் மோர்பாளையம், திருச்செங்கோடு மற்றும் ஈரோடு மாவட்டத்தின் பல்வேறு பகுதிகளில் இருந்து ஏராளமான விவசாயிகள் தங்களுடைய பசு மாடுகளை விற்பனைக்காக கொண்டு வந்திருந்தனர்.

விர்ஜின் கலப்பின பசு மாடுகள் 125-ம், அதன் கிடாரி கன்றுக்குட்டிகள் 150-ம், சிந்து மற்றும் ஜெர்சி இன பசு மாடுகள் 100-ம், அதன் கிடாரி கன்றுக்குட்டிகள் 200-ம் விற்பனைக்காக கொண்டு வரப்பட்டிருந்தன.

ரூ.1 கோடி

விர்ஜின் கலப்பின பசு மாடு ஒன்று ரூ.35 ஆயிரம் முதல் ரூ.40 ஆயிரம் வரையும், அதன் கிடாரி கன்றுக்குட்டி ஒன்று ரூ.30 ஆயிரம் முதல் ரூ.40 ஆயிரம் வரையும் விற்பனையானது. சிந்து மற்றும் ஜெர்சி பசு மாடு ஒன்று ரூ.25 ஆயிரம் முதல் ரூ.30 ஆயிரம் வரையும், அதன் கிடாரி கன்றுக்குட்டி ஒன்று ரூ.10 ஆயிரம் முதல் ரூ.20 ஆயிரம் வரையும் விற்பனை செய்யப்பட்டது.

சீனாபுரம் கால்நடை சந்தையில் ரூ.1 கோடிக்கு மாடுகள் விற்பனை ஆனதாக சந்தை நிர்வாகிகள் தெரிவித்தனர்.

திருப்பூர், ஊத்துக்குளி, குன்னத்தூர், திங்களூர், சிறுவலூர், கொளப்பலூர், நல்லாம்பட்டி, காஞ்சிக்கோவில், பெத்தாம்பாளையம், நசியனூர், பூந்துறை, அறச்சலூர், சென்னிமலை உள்பட பல்வேறு பகுதிகளில் இருந்து ஏராளமான விவசாயிகள் மற்றும் வியாபாரிகள் இ்ங்கு வந்து மாடுகளை விலை பேசி பிடித்து சென்றனர்.