ஈரோடு மார்க்கெட்டில் காய்கறிகள் விலை அதிகரிப்பு

ஈரோடு வ.உ.சி. பூங்கா மைதானத்தில், தினசரி காய்கறி மார்க்கெட் செயல்பட்டு வருகிறது. இங்கு 700-க்கும் மேற்பட்ட காய்கறி கடைகள் செயல்பட்டு வருகின்றன. சத்தியமங்கலம், தாளவாடி, திண்டுக்கல், ஒட்டன்சத்திரம், பெங்களூரு போன்ற பகுதிகளில் இருந்து இந்த மார்க்கெட்டுக்கு காய்கறிகள் விற்பனைக்காக கொண்டு வரப்படுகிறது. தற்போது பல்வேறு மாவட்டங்களில் பரவலாக மழை பெய்து வருவதால் காய்கறிகள் விளைச்சல் பாதிக்கப்பட்டு உள்ளது.

இதன் காரணமாக மார்க்கெட்டிற்கு காய்கறிகள் வரத்து வழக்கத்தை விட குறைந்துள்ளது. இதனால் காய்கறிகள் விலை கிலோவுக்கு ரூ.5 முதல் ரூ.10 வரை உயர்ந்துள்ளது. அதேநேரம் தக்காளி வரத்து தொடர்ந்து அதிகரித்து வருவதால் நேற்று ஒரு கிலோ ரூ.10-க்கு விற்பனை செய்யப்பட்டது. ஈரோடு வ.உ.சி. பூங்கா காய்கறி மார்க்கெட்டில் நேற்று விற்பனையான காய்கறிகள் விலை கிலோவில் வருமாறு:-

கத்தரிக்காய் -ரூ.40 வெண்டைக்காய் -ரூ.30, கேரட் -ரூ.55, பீன்ஸ் -ரூ.90, முள்ளங்கி -ரூ.25, பீட்ரூட் -ரூ.50, உருளைக்கிழங்கு- ரூ.35, முட்டைக்கோஸ்- ரூ.30, கொத்தவரங்காய் -ரூ.35, பட்டை அவரை -ரூ.60, கருப்பு அவரை -ரூ.80, காலிபிளவர்-ரூ.20, பீர்க்கங்காய் -ரூ.40, பாகற்காய் - ரூ.45, முருங்கைக்காய் -ரூ.40, பச்சை மிளகாய் -ரூ.60, இஞ்சி -ரூ.80.