வாலிபரை வாளால் தாக்கிய மர்ம கும்பல்

ராமநாதபுரம் அருகே உள்ள சாத்தான்குளம் அம்பேத்கர் நகரை சேர்ந்தவர் சண்முகநாதன் மகன் ஆப்ரகாம் (வயது 20). இவர் டிப்ளமோ படித்து விட்டு தந்தைக்கு உதவியாக விவசாயம் செய்து வருகிறார்.

நேற்று முன்தினம் மாலை ஊரின் அருகில் நடந்து சென்றபோது அந்த வழியாக மோட்டார் சைக்கிளில் வந்த 3 மர்ம நபர்கள் வாள் மற்றும் கத்தியால் அவரை சரமாரியாக தாக்கிவிட்டு தப்பிவிட்டனர்.

இதில் காயம் அடைந்த ஆப்ரகாம் ராமநாதபுரம் அரசு ஆஸ்பத்திரியில் சிகிச்சைக்காக சேர்க்கப்பட்டார். இதுதொடர்பாக ராமநாதபுரம் கேணிக்கரை போலீசார் வழக்குப்பதிவு செய்து விசாரித்து வருகின்றனர்.