பாகலூர் அருகே இரும்பு கம்பியால் பெண் மீது தாக்குதல்- 7 பேர் மீது வழக்கு

ஓசூர்:

ஓசூர் தாலுகா பாகலூர் அருகே உள்ள கக்கனூரை சேர்ந்தவர் நாராயணப்பா. இவர் இறந்து விட்டார். இவருடைய மனைவி கவுரம்மாள் (வயது 48). அதேபகுதியை சேர்ந்தவர் கோபாலப்பா. உறவினர்களான இவர்களுக்குள், கடந்த 5 ஆண்டுகளாக நில பிரச்சினை இருந்து வந்தது. இந்தநிலையில் கடந்த 2-ந் தேதி விவசாய பணிக்காக கவுரம்மாள் நிலத்திற்கு சென்றார். அப்போது ஏற்பட்ட பிரச்சினையில் கோபாலப்பா தரப்பினர் கவுரம்மாளை, இரும்பு கம்பி மற்றும் கட்டையால் தாக்கினார்கள். இதில் காயமடைந்த கவுரம்மாள் சிகிச்சைக்காக ஓசூர் அரசு ஆஸ்பத்திரியில் அனுமதிக்கப்பட்டார். சம்பவம் குறித்து அவர் கொடுத்த புகாரின் பேரில் கோபாலப்பா, வெங்கடேசப்பா, பாபு, நாராயணப்பா, பிரமிளா, நஞ்சுண்டப்பா, சரஸ்வதம்மா ஆகிய 7 பேர் மீது பாகலூர் போலீசார் வழக்குப்பதிவு செய்து விசாரணை நடத்தி வருகிறார்கள்.