இருசக்கர வாகன நிறுத்தும் இடத்திற்கான குத்தகை ரூ.4 லட்சத்து 69 ஆயிரம் ஏலம்

காங்கயம்

திருப்பூர் மாவட்டம் காங்கயத்தை அடுத்த நத்தக்காடையூர் ஊராட்சி சந்தை அருகே உள்ள இருசக்கர வாகன நிறுத்துமிடத்திற்கு 2023-2024-ம் ஆண்டுக்கான கட்டணம் வசூல் செய்யும் உரிமம் பெறுவதற்கான ஏலம் காங்கயம் ஊராட்சி ஒன்றிய அலுவலகத்தில் நேற்று காலை நடைபெற்றது. .வட்டார வளர்ச்சி அலுவலர் விமலாதேவி தலைமை தாங்கினார். இதில் நத்தக்காடையூர் பகுதியைச் சேர்ந்த 8 ஏலதாரர்கள் பங்கேற்று ஏலம் கோரினர். இறுதியில், நத்தக்காடையூர், பழைய வெள்ளியம்பாளையம் பகுதியைச் சேர்ந்த அங்கப்பன் என்பவர் ரூ.4 லட்சத்து 69 ஆயிரத்துக்கு ஏலம் எடுத்தார். கடந்த 2 முறை இந்த ஏலம் தள்ளி வைக்கப்பட்டிருந்த நிலையில் 3-வது முறையாக ஏலம் நடைபெற்று நிறைவுக்கு வந்துள்ளது.