மரத்தில் ஆட்டோ மோதி டிரைவர் பலி

சாணார்பட்டி அருகே உள்ள கோணப்பட்டியை சேர்ந்தவர் அழகுபாண்டி (வயது 19). ஆட்டோ டிரைவர். கடந்த 12-ந்தேதி இரவு இவர், கோபால்பட்டியில் இருந்து சாணார்பட்டி நோக்கி ஆட்டோவில் சென்றார். சாணார்பட்டி பஸ்நிலையம் அருகே வந்தபோது கட்டுப்பாட்டை இழந்த ஆட்டோ, சாலையோர மரத்தில் மோதி விபத்துக்குள்ளானது. இதில், அழகுபாண்டி படுகாயம் அடைந்தார்.

அக்கம்பக்கத்தினர் அவரை மீட்டு சிகிச்சைக்காக, திண்டுக்கல் அரசு மருத்துவமனையில் சேர்த்தனர். பின்னர் அவர் மேல்சிகிச்சைக்காக, மதுரை அரசு மருத்துவமனையில் அனுமதிக்கப்பட்டார். அங்கு சிகிச்சை பலன் இன்றி அழகுபாண்டி நேற்று பரிதாபமாக இறந்தார். இந்த விபத்து குறித்து சாணார்பட்டி போலீசார் வழக்குப்பதிவு செய்து விசாரணை நடத்தி வருகின்றனர்.