ஆசிரியர்களுக்கு விருதுகள் வழங்கும் விழா

கச்சிராயப்பாளையம்

ஆசிரியர் தினத்தை முன்னிட்டு பெற்றோர், ஆசிரியர் கழகம் மற்றும் பள்ளி மேலாண்மை குழு சார்பில் ஆசிரியர்களுக்கு விருதுகள் வழங்கும் விழா கச்சிராயப்பாளையம் அருகே உள்ள குதிரைச்சந்தல் அரசு மேல்நிலைப்பள்ளியில் நடைபெற்றது. இதற்கு பள்ளி தலைமை ஆசிரியர் பொன்செல்வராஜ் தலைமை தாங்கினார். பெற்றோர், ஆசிரியர் கழக தலைவர் அறிவழகன், பள்ளி மேலாண்மை குழு தலைவர் சக்திவேல் ஆகியோர் முன்னிலை வகித்தனர். ஊராட்சி தலைவர் அனுசெல்லப்பிள்ளை வரவேற்றார். நிகழ்ச்சியில் பள்ளி ஆசிரியர்களுக்கு பாராட்டு சான்றிதழ்கள், பதக்கம் மற்றும் கேடயங்கள் வழங்கி சிறப்பிக்கப்பட்டது. விழாவில் ஒன்றிய கவுன்சிலர் வடமலை, பள்ளி மேலாண்மை குழு உறுப்பினர்கள், மாணவர்கள், பெற்றோர் பலர் கலந்து கொண்டனர்.