விழிப்புணர்வு பேரணி

காரியாபட்டி,

காரியாபட்டி அருகே மல்லாங்கிணறு பேரூராட்சியில் குப்பைகளை மக்கும், மக்கா குப்பைகள் என தரம் பிரித்து வழங்குதல் மற்றும் பிளாஸ்டிக் ஒழிப்பு குறித்து விழிப்புணர்வு பேரணி நடைபெற்றது. பேரூராட்சி தலைவர் துளசிதாஸ் தலைமை தாங்கினார். துணை தலைவர் மிக்கேலம்மாள், பேரூராட்சி செயல் அலுவலர் அன்பழகன் ஆகியோர் முன்னிலை வகித்தனர். தனியார் பள்ளி என்.சி.சி. மாணவ, மாணவிகள் சைக்கிள் பேரணியுடன், பேரூராட்சி சுகாதார பணியாளர்களும் விழிப்புணர்வு துண்டு பிரசுரங்கள் வழங்கி பேரணியில் கலந்துகொண்டனர். விருதுநகர்-காரியாபட்டி மெயின் சாலையில் சுகாதார இயக்கம் சார்பில் தூய்மை பணியில் குப்பைகள் அகற்றப்பட்டன. இந்நிகழ்ச்சியில் மல்லாங்கிணறு பேரூராட்சி கவுன்சிலர்கள் போஸ் (எ) ஜெயசந்திரன், கருப்பையா, சுமதி சந்திரன், பாலசந்திரன், வைஷ்ணவி, தூய்மைப் பணியாளர்கள் மற்றும் பலர் கலந்து கொண்டனர்.