பவானிசாகர் அணைக்கு நீர்வரத்து குறைந்தது

பவானிசாகர்

பவானிசாகர் அணையின் நீர்பிடிப்பு பகுதியான நீலகிரி மலைப்பகுதியில் கடந்த 2 நாட்களுக்கு முன்பு பரவலாக மழை பெய்தது. இதனால் பவானிசாகர் அணைக்கு நீர்வரத்து அதிகரித்தது. தற்போது மழை குறைந்த காரணத்தால் அணைக்கு வரும் நீரின் அளவும் குறைந்தது.

நேற்று முன்தினம் மாலை 4 மணி நிலவரப்படி பவானிசாகர் அணைக்கு வினாடிக்கு 1,944 கன அடி தண்ணீர் வந்தது. அணையின் நீர்மட்டம் 82.61 அடியாக இருந்தது. நேற்று மாலை 4 மணி நிலவரப்படி பவானிசாகர் அணைக்கு தண்ணீர் வரத்து வினாடிக்கு 918 கனஅடியாக குறைந்தது. அணையின் நீர்மட்டம் 82.60 அடியாக இருந்தது. அணையில் இருந்து பவானி ஆற்றில் வினாடிக்கு 900 கன அடி தண்ணீரும், கீழ்பவானி வாய்க்காலில் வினாடிக்கு 5 கன அடி தண்ணீரும் திறக்கப்பட்டது.